ljosid@ljosid.is | Opið alla virka daga 8:30-16:00
561-3770

0
was successfully added to your cart.

HomeUncategorized Aðstandendanámskeið

Aðstandendanámskeið

21.01.2016 By Erla Sigurðardóttir Comments are Off

adstandendanamskeid.jpgNámskeið fyrir aðstandendur krabbabeinsgreinda 20 ára og eldri

Nýtt námskeið hefst 12.apríl
Þriðjudagar kl: 17.00 – 19:00

skráning og upplýsingar í síma 5613770
 

Um er að ræða 6 vikna námskeið þar sem skapaður er vettvangur fyrir aðstandendur til að hittast og ræða um reynslu sína, áhyggjur og þá líðan sem fylgir því að eiga náinn ástvin sem greinist með alvarlegan sjúkdóm.  Námskeiðið er samsett af umræðum, fræðslu og léttum slökunaræfingum. Mikilvægt er að skapa traust og tryggja trúnað til að þátttakendur geti óhindrað tjáð sig um það sem liggur á þeim. Það er líka lögð áhersla á það að hlæja og hafa það skemmtilegt á námskeiðinu.

Á námskeiðinu er fjallað um áfallið sem flestir upplifa þegar fjölskyldumeðlimur greinist með krabbamein og rætt um þær tilfinningar sem oftast fylgja í kjölfarið. Áhrifarík reynslusaga sjúklings sem greindist með krabbamein fyrir nokkum árum er sögð og fjallað um áhrif þess á fjölskylduna og umhverfið. Rætt er um samskipti, ábyrgð og stuðning. Farið er í orsakir og afleiðingar streitu og leiðir til að fyrirbyggja og vinna á streitu. Í síðasta tíma er fjallað er um hvernig viðhorf og hugsanir hafa áhrif á líðan og atferli og hvernig hægt er að vinna með það.
6 vikna námskeið kostar 5000 kr
 
Umsjón: Kristín Ósk Leifsdóttir, sálfræðingur og Helga Jóna Sigurðardóttir iðjuþjálfi
.

Tímarnir eru sambland af fræðslu og umræðum. Stuttar slökunaræfingar í lokin.

Það sem er tekið fyrir á námskeiðinu er eftirfarand:

  • Kynning, markmið og væntingar    

  • Áföll og sorgarferli  

  • Virk hlustun, tjáning og samskipti

  • Reynslusaga sjúklings

  • Streita og stuðningur 

  • Áhrif hugsana á líðan

Ekki er hægt að skilja eftir athugasemdir.