Skattafrádráttur vegna styrkja til Ljóssins

Árið 2021 voru samþykkt lög á Alþingi sem fela í sér heimild fyrir einstaklinga að draga framlög og styrki frá skattskyldum tekjum sínum vegna framlaga til félaga sem skráð eru á almannaheillaskrá. Einstaklingur hefur heimild til að draga allt að 350 þúsund krónur frá á ári og hjón 700 þúsund krónur. Til þess að einstaklingur fái frádrátt þarf styrkur hans á árinu að vera a.m.k. 10 þúsund krónur. Ljósið hefur frá upphafi árs 2022 verið skráð á almannaheillaskrá og geta því þeir sem styrkt hafa Ljósið á árinu fengið slíkan skattafrádrátt.

Fyrirkomulagið hjá Ljósinu er þess háttar: Í byrjun árs mun Ljósið sjá til þess að gefa upp framlag hvers aðila til Skattsins. Verður því búið að forskrá framlagið á skattframtal hvers og eins. Nafnlausar gjafir áritast skv. þessu ekki á skattframtal.

Nánari upplýsingar um skattafrádrætti vegna styrkja til félaga á almannaheillaskrá má finna á heimasíðu Skattsins hér.

Hægt er að gerast Ljósavinur með því að smella hér.

Styrktarreikningur Ljóssins: 0130-26-410420
Kennitala: 590406-0740

Nánari upplýsingar um hvernig hægt er að styrkja Ljósið