Iðjuþjálfi
Upphaf endurhæfingarinnar felst í að fara í viðtal hjá iðjuþjálfa (og sjúkraþjálfara). Iðjuþjálfinn hjálpar þér við að raða saman dagskrá sem hentar þér í endurhæfingarferlinu.
Sjúkraþjálfari/Íþróttafræðingur
Viðtal við sjúkraþjálfara Ljóssins er eitt af fyrstu skrefunum í endurhæfingar- ferlinu hjá okkur og forsenda þess að vera í líkamlegri endurhæfingu undir handleiðslu þjálfarateymisins.
Markþjálfi
Með því að fara í markþjálfun þar sem byggt er á heiðarleika og þínu eigin gildismati, hefur þú sjálfur bæði jákvæðari og varanlegri áhrif á viðhorf þitt, hegðun og framkvæmdavilja.
Sálfræðiráðgjöf
Það er algengt og eðlilegt að sálrænir erfiðleikar fylgi krabbameinsgreiningu og meðferð. Hjá Ljósinu er hægt að bóka tíma hjá sálfræðingi með þekkingu á depurð, kvíða, streitu og fleiri vandamálum sem geta fylgt veikindum.
