Eftir greiningu krabbameins og í kjölfar meðferðar vill þrek og orka oft vera af skornum skammti. Í Ljósinu leiðbeinir fagfólk, sjúkraþjálfarar og íþróttafræðingar, öllum þeim sem þjónustu sækja um mikilvægi hreyfingar til að bæta heilsu og vellíðan samhliða krabbameinsmeðferðum.
Ljósið opnaði nýjan og glæsilegan æfingasal á Langholtsvegi í mars 2020. Salurinn er fullbúinn fyrsta flokks tækjum. Þessu til viðbótar er boðið upp á jóga, slökunarjóga, stoðfimi, æfingar eftir brjóstaaðgerð, sídegistíma og gönguhóp.
Innritun í líkamlega endurhæfingu
Í hléi vegna Covid – Mæting á innritunarfund er skilyrði fyrir því að nýta sér líkamlega endurhæfingu á vegum Ljóssins.
Sjúkraþjálfun
Í Ljósinu starfa þjálfarar sem veita persónulega ráðgjöf varðandi hreyfingu sem hentar hverju sinni.
Æfingasalur Ljóssins - Opnunartími
Æfingasalur Ljóssins er opinn fyrir alla einstaklinga sem skráðir eru í þjónustu. Salurinn er opinn samkvæmt stundaskrá og þörf er á skráningu í hvern æfingatíma.
Tækjasalur Ljóssins - Karlar
Í hléi vegna Covid – Boðið er upp á aldursskipta æfingatíma fyrir karla sem vilja stunda sína endurhæfingu í góðum félagsskap undir leiðsögn sjúkraþjálfara og íþróttafræðinga.
Tækjasalur Ljóssins - Konur
Í hléi vegna Covid – Boðið er upp á aldursskipta æfingatíma fyrir konur sem hafa fengið krabbamein og vilja stunda sína endurhæfingu í góðum félagsskap undir leiðsögn sjúkraþjálfara og íþróttafræðinga.
Hreyfing - Þol og styrkur
Þrisvar í viku er boðið upp á alhliða þol- og styrktarþjálfun fyrir fólk á öllum aldri. Tímarnir fara fram í Hreyfingu í Glæsibæ.
Hlé hefur verið gert á tímum í Hreyfingu.
Síðdegishópur
Fyrir þá sem eru að vinna og eru að ljúka/eða hafa lokið meðferð en einnig fyrir nýútskrifaða þjónustuþega sem þurfa stuðning og utanumhald fyrsta árið eftir útskrift.
Eftir brjóstaaðgerð
Uppbyggjandi æfingar fyrir konur sem hafa farið í aðgerð eftir krabbamein í brjósti, 2-4 vikum eftir skurð.
