Handverk og iðja

Athugið að handverkshópar geta breyst eða farið í frí yfir sumartímann.

Stór hluti af endurhæfingu Ljóssins er í gegnum handverk og hefur það verið frá upphafi.

Við erum vön að segja að listin hafi lækningarmátt og höfum við svo sannarlega séð það gerast hérna.

Rannsóknir hafa sýnt að tómstundaiðja getur spilað veigamikið hlutverk í bataferli og aukið heilsu og vellíðan í daglegu lífi. Þátttaka í tómstundaiðju og önnur upplyfting hjá fullorðnum getur ýtt undir sköpunargáfu og andagift auk þess að styrkja félagsleg tengsl.

Þá benda rannsóknir einnig til þess að tómstundaiðja, sem er innihaldsrík, eflir fólk í að hafa stjórn á aðstæðum og minnkar streitu. Þátttaka í iðju veitir þannig einstaklingum ábyrgð og tilfinningu um að skipta máli auk þess að veita skemmtun og slökun. Einnig finnst okkur mikilvægt hér í Ljósinu að í gegnum tómstundavinnu getum við  skoðað vinnuþrek og úthald.

Myndlist fyrir byrjendur

Byrjendur í myndlist eru komnir velkomnir á þetta skemmtilega námskeið.

Bútasaumur

Fyrir byrjendur jafnt sem lengra komna. Saumavélar og leiðbeinendur á staðnum en þátttakendur þurfa sjálfir að koma með efni, tvinna og títuprjóna.

Útsaumur, prjón og hekl

Notalegur hópur í handavinnu og spjalli.

Fluguhnýtingar

Kenndar eru grunnaðferðir í fluguhnýtingum í Ljósinu.

Tréútskurður og tálgun

Fyrir byrjendur jafnt sem lengra komna. Kennd eru grunnatrið í tálgun og útskurði.

Leirlist

Leirlist er alla virka daga  í Ljósinu. Skipt er niður í 6-8 manna hópa og mætir hver hópur einu sinni í viku.

Myndlist fyrir lengra komna

Námskeið sérsniðið fyrir þá sem lagt hafa stund á myndlist áður.

Fatasaumur

Létt námskeið í fatasaum þar sem kenndar eru aðferðir við að sníða og sauma einfaldar flíkur.

Postulínsmálun

Reglulega er boðið upp á að koma og mála á postulín. Litir og verkfæri á staðnum en það þarf að koma með hlut til að mála á. Auglýst sérstaklega.

Steinamálun

Listmálun á steina er skemmtilegt handverk.

Draumafangarar og hnýtingar

Hnýtingar (macramé) og sköpun á draumaföngurum er skemmtileg iðja þar sem útkoman prýðir heimili.

Leðursaumur

Kjörið tækifæri til að sauma töskuna eða veskið sem þig hefur alltaf langað í.

Skiltagerð

Kennd er aðferð til að setja fallega texta á skilti.