Heilsuefling í þínu lífi

Aðalmarkmiðið með námskeiðinu er að hjálpa þátttakendum að efla eigin getu til þess að takast á við streitu sem fylgir oft lífsreynslunni að greinast með krabbamein. Með fræðslu og kynningu á aðferðum sem rannsóknir hafa sýnt að beri árangur í að draga úr streitu, kvíða og/eða depurð ásamt því að viðhalda og auka vellíðan. Aðferðir eins og þjálfun styrkleika, núvitundar, samkennd og þakklæti.

Þátttakendur námskeiðisins fá handbók um heilsueflingu. Höfundur bókarinnar er jafnframt leiðbeinandinn námskeiðsins, Sigrún Þóra Sveinsdóttir. Hún hefur sjálf reynslu af því að greinast með brjóstakrabbamein.

Námskeiðið skiptist í eftirfarandi þætti:

1. tími.  Kynning, fræðsla um streitu og þjálfun styrkleika.
2. tími. Þjálfun núvitundar
3. tími. Samkennd gagnvart sjálfum sér
4. tími. Þakklæti, skrif og markmiðasetning

Nýtt námskeið hefst  16.janúar

Miðvikudagar  kl. 14-15:50

4 skipti

Námskeiðsgjald 3000 kr.

Umsjón: Sigrún Þóra Sveinsdóttir klínískur sálfræðingur með sérmenntun í sálfræði á bakvið heilsueflingu.

Skráning og upplýsingar í síma 561-3770