Fræðslunámskeið fyrir konur á öllum aldri, sem nýlega hafa greinst með krabbamein. Námskeiðið er grunnur að áframhaldandi fræðslu og endurhæfingu í Ljósinu.
Markmið námskeiðsins er að konur í svipuðum sporum fái fræðslu, taki þátt í umræðum og fái þannig stuðning til að takast á við breytingar í kjölfar greiningar. Þeir fagaðilar sem koma að námskeiðinu hafa allir unnið með krabbameinsgreindum. Umsjón með námskeiðinu hafa iðjuþjálfar í Ljósinu, en auk þeirra halda fagaðilar fyrirlestra um sín sérsvið og stýra umræðum.
Á námskeiðinu verður fjallað um aðstæður og úrlausnir þegar það verða breytingar á lífinu, hvernig greining og meðferð geta haft áhrif á líðan, hvernig hægt sé að efla eigin heilsu og mikilvægi þess að viðhalda og byggja upp orku og þrek, samskipti, nánd og kynhegðun og auðvitað hvernig við sköpum áhugaverða framtíðarsýn.
Þessi námskeið hafa skapað mikla samkennd og veitt þátttakendum mikinn jafningjastuðning í gegnum árin.
Athugið að nauðsynlegt er að vera skráð í þjónustu í Ljósið til að sitja námskeiðið en hægt er að skrá sig í þjónustu hér.
UMFJÖLLUNAREFNI NÁMSKEIÐA
Konur 65+, mánudaga kl. 13:30-15:30
2. nóv – Helga Jóna, iðjuþjálfi: Kynning á námskeiði og breytingar
9. nóv – Alda Pálsdóttir, iðjuþjálfi og náttúrumeðferðarfræðingur: Fræðsla um taugakerfið og leiðir til slökunar
16. nóv – Lilja Guðmundsdóttir, næringarfræðingur: Næring og næringarvandi
23. nóv – Kristín Hulda, sálfræðingur: Kvíði og jákvæð sálfræði
30. nóv – Þjálfarar Ljóssins: Mikilvægi þess að byggja upp orku og þrek
7. des – Matti Ósvald, markþjálfi: Leiðin að markmiðinu, viðhorf, sjálfstraust og sjálfsvirðing
Konur 46-64 ára, fimmtudaga kl. 10:00-12:00
5. nóv – Guðný Katrín: Kynning á námskeiði og breytingar
12. nóv – Lilja Guðmundsdóttir, næringarfræðingur: Næring og næringarvandi.
19. nóv – Alda Pálsdóttir, iðjuþjálfi og náttúrumeðferðarfræðingur: Fræðsla um taugakerfið og leiðir til slökunar
26. nóv – Þjálfarar Ljóssins: Mikilvægi þess að byggja upp orku og þrek
3. des – Kristín Þórsdóttir, kynlífsmarkþjálfi: Kynlíf og krabbamein
10. des – Matti Ósvald, markþjálfi: Leiðin að markmiðinu, viðhorf, sjálfstraust og sjálfsvirðing
Næsta námskeið
Konur 65+
Hefst 2. nóvember
Mánudaga kl. 13:30-15:30 í 6 skipti
Umsjón: Fagaðilar Ljóssins
Konur 46-64 ára
Hefst 5. nóvember
Fimmtudaga kl. 10:00-12:00 í 6 skipti
