Fréttir

Verum dugleg að taka myndir í hlaupinu á laugardaginn. Allar myndir sem teknar eru og sendar á Facebook, Twitter og Instagram væri gott að fá merktar með #ljosid16 svo við getum skoðað dýrðina líka. Verið velkomin á hvatningarstöðina okkar gegnt JL húsinu frá 8:30 til 11:30. Við hlökkum óskaplega til hlaupsins og við minnum á áheitasöfnunina á hlaupastyrkur.is.

Líkamleg uppbygging fyrir ungt fólk (18 – 45 ára) í Ljósinu Skemmtilegur félagsskapur í nýja flotta salnum okkar Mánudaga og miðvikudaga kl. 14:30 – 15:30 Umsjón: Haukur sjúkraþjálfari

Ljósið býður upp á ýmis endurhæfingarúrræði. Við vekjum athygli á að Jóga byrjar aftur 2. ágúst. Það er komin ný stundaskrá fyrir ágúst sem má nálgast hér. Það bætist sífellt við stundaskrána aftur eftir sumarleyfin.

Kæru Ljósberar Ljósið býður upp á ýmis endurhæfingarúrræði í allt sumar. Vekjum athygli á að stundaskráin fyrir júlí tekur gildi , föstudaginn 1. júlí. Minnum einnig á að strákamaturinn verður á sínum stað allan júlí og að hugleiðslan færist yfir á mánudaga. Vonum að þið eigið yndislegt sumar með fullt af skemmtilegum ævintýrum. Sumarkveðja Starfsfólk Ljóssins

Hin árlega fjölskylduganga Ljóssins á Esjuna verður 29. júní nk.  Í fyrra var frábær þátttaka, endurtökum leikinn.  Við leggjum af stað frá Esjustofu kl. 13:00. Göngum upp hlíðar Esjunnar eins langt og hver og einn treystir sér til. Stefnum á að vera komin niður milli kl. 15:00-16:00. Þeir sem treysta sér ekki í gönguna geta hitt okkur á kaffi Esjustofu á

Lesa meira

Í tilefni af 80 ára afmæli Samtaka starfsmanna fjármálafyrirtækja árið 2015 ákvað stjórn þess að styrkja starfsemi Ljóssins með gjöf til tækjakaupa í endurhæfingar- og sjúkraþjálfunarsal Ljóssins. Jafnframt var gerður samningur milli samtakanna og Ljóssins um viðhald og endurnýjun tækja til ársins 2020. Formleg afhending tækjanna var miðvikudaginn 1. júní sl. í nýjum líkamsræktar- og endurhæfingarsal Ljóssins. Markmiðið með gjöfinni

Lesa meira

Margt var um manninn á Pallafjöri sem haldið var í dag, 14. júní. Vígð voru ný garðhúsgögn sem Ljósið fékk sem minningargjöf, boðið var upp á grillaðar pylsur, pastasalat og súkkulaðiköku. Fjölmennt var og frábær stemming á þessum dásamlega góðviðrisdegi. Smellið hér  til að sjá smá myndband frá gleðinni.

Þriðjudaginn 14. júní ætlum við að efna til pallafjörs í Ljósinu. Vígð verða ný garðhúsgögn sem við fengum að gjöf og boðið verður upp á ljósamat, grillaðar pylsur og súkkulaðiköku. Hlökkum til að sjá ykkur öll – stóra sem smáa. 

Við erum mjög ánægð að kynna TAI JI  námskeið í Ljósinu – endurhæfingar – og stuðningsmiðstöð fyrir krabbameinsgreinda 13. til -16. júní 2016 Giuseppe Urselli* kennir gleði Tai ji æfinganna og heimspekina á bakvið þær. Markmiðið er að kynnast gleði Tai ji heimspekinnar, þjálfun og hreyfa okkur í flæðinu á milli orku jarðar og himna til að öðlast meiri sveigjanleika

Lesa meira

Göngur útivistarhópsins eru skipulagðar gönguferðir í nágrenni höfuðborgarsvæðisins komandi miðvikudaga. Farið verður frá Ljósinu kl. 12.30 en einnig er hægt að mæta beint á bílastæðið sem gefið er upp fyrir viðkomandi göngu, rétt fyrir kl. 13.00. Umsjón með hópnum hefur Margrét Indriðadóttir sjúkraþjálfari.   15.júní – Breiðholtið Miðvikudaginn 15. júní verður gengið í kringum Efra-Breiðholtið. Mætum í Ljósið kl 12:30

Lesa meira