Bergmál líknarfélag býður þjónustþegum Ljóssins að njóta, hvílast, vera með skemmtilegu fólki, fara í gönguferðir eða bara hlusta á fuglana á orlofsviku á Sólheimum (Bergheimahúsi) í Grímsnesi í sumar.
Bergheimar er í eigu Bergmáls líknarfélags og á hverju sumri bjóða þau fólkinu okkar upp á ókeypis orlofsvikur. Stórir hópar frá Ljósinu hafa áður sótt orlofsviku á þeirra vegum og það er aftur í boði í ár. Hjúkrunarfræðingur er á staðnum. Örstutt í sundlaug, góð gönguferðaaðstaða.
Um er að ræða vikuna 30. maí til 4. júní næstkomandi
Gist er í tveggja manna herbergjum með klósetti, sturtu og sjónvarpi. Athugið að vikan er einungis í boði fyrir þjónustuþega en ekki aðstandendur.
Kvöldvaka hvert kvöld. Píanóleikari á staðnum, söngur, gleði, gaman.
Skráning í móttöku Ljóssins til og með 14. apríl.
Ekki er hægt að skilja eftir athugasemdir.
