Opið námskeið sem hugsað er sem kynning á mismunandi efnum og aðferðum í myndlist. Á námskeiðinu eru tekin fyrir grundvallaratriði í teikningu og málun.
Efnið sem unnið er með varðandi teikningu eru teikniblýantar, kol og krítar og mismunandi pappír. Lögð er áhersla á frumform, myndbyggingu og hvernig maður mótar og framkallar form með línu, ljósi og skugga. Einfaldar uppstillingar (hlutateikning).
Varðandi málun er áhersla lögð á litafræði s.s. að þekkja grunnlitina, litahringinn, andstæðuliti, litatóna og litablöndun. Unnið með vatnsliti, gerðar verða fjölbreyttar tilraunir með mismunandi pappír og tækni.
Einnig er unnið með akrílmálingu jafnt á pappír, striga og masonít. Áhersla lögð á eiginleika efnisins (akrílmálnigar). Málað þunnt og þykkt með fínum og grófum penslum, spöðum og ýmsum íblöndunarefnum, mismunandi mótíf. Hlutbundið og óhlutbundið.
Heimaverkefni í boðið fyrir þá sem það vilja.
Mest allt efni og áhöld eru á staðnum.
Helstu upplýsingar
Þriðjudagar kl. 10:00 – 14:00
Kennari: Margrét Jónsdóttir, myndlistarkennari
Upplýsingar í síma 561-3770
