Pop-up námskeið

Litun klúta og skapandi flæði

Föstudaginn 24. apríl kl. 9:00-12:00.

Komið og verið með í skapandi flæði í litun klúta með Rebekku starfsnemi. Á örnámskeiðinu fær hver og einn klút úr silki til þess að teikna, mála og/eða skrifa á. Þátttakendur eiga svo sinn klút sem hægt er að nýta sem háls- eða höfuðklúta eða jafnvel til innrömmunar.

Rebekka Ashley Egilsdóttir, starfsnemi í Ljósinu, sér um námskeiðið.

Skráning í móttöku Ljóssins eða í síma 561-3770.

Frjáls útsaumur og slökun

Mánudaginn 27. apríl kl. 13:15-15:45

Viltu koma með í ferðalag þar sem við slökum á og hugsum bara um útsaumsspor, liti og form? Mikil slökun felst í að vinna við útsaum. Að geta kúplað sig út úr daglegu lífi og sökkt sér í handverk – það að skapa með hug og hönd – felur í sér mikla hugarró og slökun frá daglegu amstri.

Námskeiðið er fyrir þau sem vilja læra nýja nálgun í útsaum – slow stitching. Kennd verða ýmis útsaumsspor og unnin verkefni þar sem útkoman er ekki fyrirfram ákveðin og við leyfum sköpunarkraftinum að ráða för.

Gunnlaug Hannesdóttir textílkennari sér um námskeiðið.

Skráning í móttöku Ljóssins eða í síma 561-3770.