Aðstandendur – Ungmenni 17-20 ára

Í boði eru aðstandendaviðtöl fyrir ungmenni hjá fjölskyldufræðingi og sálfræðiráðgjafa.

Í daglegu tali er oftar en ekki talað um krabbamein sem fjölskyldusjúkdóm. Að greinast með krabbamein getur valdið miklu umróti og álagi, ekki bara í lífi þess greinda heldur allra í fjölskyldunni. Fjölskyldan stendur frammi fyrir nýjum aðstæðum og breytingum þar sem m.a. hlutverkaskipan getur riðlast. Hvernig einstaklingum tekst að aðlagast breytingum er mismunandi hjá hverjum og einum. Hlutirnir geta þróast á þann veg að það er ekki alltaf sá krabbameinssgreindi sem líður verst andlega.

Af fá stuðning frá utanaðkomandi aðilia getur hjálpað aðstandendum að takast á við nýjar og breyttar aðstæður. Að setja orð á tilfinningar getur verið mjög mikilvægt til að líða betur eða umbera líðan sína. Ef maður skilur ekki eitthvað er maður líklegri til að hræðast það. Í stað þess að óttast er gott að tala um það sem liggur á hjarta.

Bóka tíma

Hægt er að bóka tíma í móttöku Ljóssins í síma 561-3770 eða með því að senda póst á mottaka@ljosid.is.