Styrktar- og líknarsjóður Oddfellowa mun í ár selja falleg jólakort til styrktar Ljósinu. Í morgun litu fulltrúar Oddfellowa við í Ljósinu með fyrstu prentun af jólakortunum sem verða til sölu í móttöku Ljóssins og í vefverslun Ljóssins.
Kortin eru seld 10 saman í pakka ásamt umslögum. Hver pakki kostar 2000 krónur og rennur upphæðin óskipt til Ljóssins.
Myndin á kortinu er eftir Pál Ólafsson og er tekin í Hafnarfirði og í hverjum pakka eru 10 kort og 10 umslög.
Á vinstri opnu má finna ljóðið Ljósið eftir Dag St. Ásgeirsson
Ljósið yljar lífið vekur,
Ljósið veitir mönnum sýn.
Ljósið burtu leiðann rekur,
Ljósið það er hjálpin mín.
Á hægri opnu má finna eftirfarandi hátíðarkveðjur:
Gleðilega hátíð og farsælt komandi ár með þökk fyrir það liðna.
Við vekjum sérstaka athygli á því að fyrirtæki geta fengið sérprentaðan texta inn í kortin, en pantanir þurfa að berast Oddfellowum fyrir 3. desember.
Ekki er hægt að skilja eftir athugasemdir.
