Reykjavíkurmaraþon Íslandsbanka nálgast hratt og við í Ljósinu erum farin að hlakka til að sjá allan þann kraft, samstöðu og gleði sem fylgir deginum.
Það er alltaf dásamleg tilfinning að sjá fólkið sem velur að hlaupa fyrir Ljósið. Við finnum fyrir miklu þakklæti gagnvart öllum þeim sem hafa hlaupið fyrir okkur í gegnum árin og þeim sem hafa nú þegar skráð sig til leiks í ár.
Með því að hlaupa eða ganga fyrir Ljósið styður þú við þá sem eru að endurheimta líf sitt eftir krabbamein og aðstandendur þeirra. Áheitin sem safnast hjálpa Ljósinu að halda áfram að veita þeim þjónustu að kostnaðarlausu.
Allir geta tekið þátt. Þú þarft ekki að hlaupa hratt eða langt til að hafa áhrif. Hvort sem þú gengur, skokkar eða hleypur, þá ertu að leggja þitt af mörkum og hjálpa öðrum á sama tíma. Það er nefnilega eitthvað sérstakt við það að hlaupa fyrir tilgang.
Það eru nú þegar margir frábærir hlauparar og hlaupahópar búnir að skrá sig og ætla að hlaupa fyrir Ljósið í Reykjavíkurmaraþoninu 22. ágúst. Við erum afar þakklát fyrir stuðninginn og stolt af þessum snillingum. Verum öll dugleg að hvetja þau áfram!
Ef þú ert ekki búin/n að skrá þig, þá er enn tími til að slást í hópinn. Saman getum við breytt lífum.
Skráðir hlauparar og hlaupahópar sem eru að hlaupa fyrir Ljósið í Reykjavíkurmaraþoninu 2026.
Ekki er hægt að skilja eftir athugasemdir.
