Það gleður okkur að segja frá einstöku framtaki sem hópur vinnufélaga Þóru Maríu frá Röntgendeild Landspítalans, ásamt fjölskyldu og vinum, stendur fyrir – en þau ætla að hlaupa saman til styrktar Ljósinu í Reykjavíkurmaraþoni Íslandsbanka.
Þóra María greindist með brjóstakrabbamein á síðasta ári og hefur hún nýtt sér þá þjónustu sem Ljósið veitir fólki sem greinst hefur með krabbamein og aðstandendum þeirra. Stuðningurinn sem hún hefur fengið hér hjá okkur – andlegur, líkamlegur og félagslegur – hefur verið henni mikilvægur á þessari vegferð, og það gleður okkur að hafa getað verið henni innan handar.
Til að sýna henni samstöðu og þakklæti, hefur nánasti hópur hennar ákveðið að hlaupa til styrktar Ljósinu. Með þessu vilja þau ekki aðeins styðja Þóru Maríu heldur einnig leggja sitt af mörkum til að fleiri fái notið þeirrar þjónustu sem Ljósið veitir á hverjum degi.
Við hjá Ljósinu erum djúpt snortin af þessu framtaki og þakklát fyrir stuðninginn. Þetta eru þau augnablik sem minna okkur á hversu mikilvæg samkenndin er – og hversu sterkt samfélagið getur verið þegar það stendur saman.
Við hvetjum alla til að styðja hópinn og þar með starfsemi Ljóssins – hvort sem það er með áheitasöfnun, hvatningu eða þátttöku í hlaupinu.
Ekki er hægt að skilja eftir athugasemdir.
