Ljósið fékk nýverið fallegan keramikpott að gjöf frá hjónunum Kristínu Jónsdóttur og Rafni Magnússyni sem standa að smáversluninni Kretakotta. Kristín hefur sjálf þurft að sækja endurhæfingu í Ljósið og vildu þau hjón nýta tækifærið til að þakka fyrir sig og gefa til baka. Potturinn er handgerður í bænum Thrapsano á Krít úr sérvöldum jarðleir sem „andar“, veðrast fallega og þolir íslenskt veðurfar allt árið um kring.
Við hjá Ljósinu erum hjónunum innilega þakklát fyrir gjöfina, sem mun án efa fegra umhverfi okkar og gleðja gesti og starfsfólk. Þeir sem vilja kynna sér fleiri potta og ker úr sama handbragði geta haft auga á heimasíðu þeirra á www.kretakotta.is.
Takk kærlega fyrir hlýhugina og stuðninginn – slíkar gjafir styrkja starf Ljóssins og minna á kraftinn sem býr í góðvild samfélagsins.
Ekki er hægt að skilja eftir athugasemdir.
