Vikulegi prjónahópurinn í Ljósinu hefur ekki setið auðum höndum frá síðasta góðgerðarverkefni. Að þessu sinni kom Berta Þórhalladóttir og tók glöð á móti litlum englaklæðum fyrir hönd Gleym mér ei, sem er styrktarfélag til stuðnings foreldra sem missa börn á meðgöngu og í/eftir fæðingu.
Louisa Sif Mønster, iðjuþjálfi í Ljósinu og leiðbeinandi í hópnum segir verkefnið færa þjónustuþegum Ljóssins mikinn tilgang: „Markmið hópsins er m.a að vinna að samfélagslegum verkefnum og gefa áfram til þeirra sem geta nýtt sér fallegt handverk.“
Með þessu framlagi senda þátttakendur í prjónahópnum, og allt samfélag Ljóssins, hlýjar kveðjur og von til foreldra andavanafæddra barna.
Ekki er hægt að skilja eftir athugasemdir.
