Myndlist fyrir byrjendur

Þetta námskeið er hugsað sem kynning á mismunandi efnum og aðferðum í myndlist. Á námskeiðinu eru tekin fyrir grundvallaratriði í teikningu og málun.

Efnið sem unnið er með í teikningu eru teikniblýantar, kol, krítar og mismunandi pappír. Lögð er áhersla á frumform, myndbyggingu og hvernig maður mótar og framkallar form með línu, ljósi og skugga. Einfaldar uppstillingar (hlutateikning).

Í málun er áhersla lögð á litafræði s.s. að þekkja grunnlitina, litahringinn, andstæðuliti, litatóna og litablöndun. Unnið er með vatnsliti, gerðar verða fjölbreyttar tilraunir með mismunandi pappír og tækni.

Einnig er unnið með akrílmálingu jafnt á pappír, striga og masonít. Áhersla lögð á eiginleika efnisins (akrílmálningar). Málað þunnt og þykkt með fínum og grófum penslum, spöðum og ýmsum íblöndunarefnum, mismunandi mótíf. Hlutbundið og óhlutbundið.

Heimaverkefni í boðið fyrir þá sem það vilja.

Mest allt efni og áhöld eru á staðnum.

Námskeiðið stendur í 6 vikur