Myndlist – Framhald

Myndlist fyrir lengra komna er í boði hér í Ljósinu. Námskeiðið hentar þeim ljósberum sem hafa lokið grunnnámskeiðinu hjá okkur í Ljósinu eða hafa grunn í myndlist.

Málun – blönduð tækni 
Lagt verður upp með skissubækur, akrílliti, blek, kol og kjark til að gera tilraunir, leita að sinni fjöl og njóta þess að skapa.
Leiðsögn í lita– og formfræði ásamt myndbyggingapælingum er ávallt samtvinnuð vinnuferlinu. Einnig verður málað á masonít og eða mdf– spjöld og pappír.
Skoðuð verða verk og vinnuaðferðir listafólks  (myndbönd, bækur).
Skissubækur eru frábær verkfæri í myndsköpun.  Skissubók er hubmyndabanki, vinnusvæði, hugleiðslustaður, minnispunktageymsla og svo margt fleira.  Í henni er hægt að fletta upp tl að koma sér í sköpunargírinn. 

Þörf er á að skrá sig.