Sumarhandverk

Handverkssmiðjur og spilastundir sumarsins

Í sumar verða fjölbreyttar handverkssmiðjur og spilastundir, þar sem öll geta fundið eitthvað við sitt hæfi. Hægt verður að skrá sig með tveggja vikna fyrirvara beint í allar smiðjurnar og spilastundirnar. Ekki er þörf á skráningu í prjónahópinn á miðvikudagsmorgnum en mikilvægt er að skrá sig í allt annað. Ekkert hámark er á fjölda smiðja sem má sækja (fyrir utan leirlistarsmiðjurnar).

Hægt er að hlaða niður sumardagskránni í handverkinu hér.

Spilastundir í sumar
Á þriðjudögum verða spilastundir þar sem verða spiluð allskonar skemmtileg spil.

Leirlistarsmiðjur í sumar
Þær verða tvisvar í viku á mánudögum og fimmtudögum frá 10:00- 14:00. Tekin verður pása frá 12:00- 12:30. Eingöngu er hægt að skrá sig í eina smiðju í viku. Lagt er til að koma í að minnsta kosti í tvær leirlistarsmiðjur í sumar. Leiraðir eru munir í fyrri tímanum og í þeim síðari eru munirnir glerjaðir.

Hér að neðan má sjá meira um pop-up námskeiðin sem verða í sumar:

Þurrnálaþæfing
– Miðvikudagana 22. júlí og 29. júlí.
Þurrþæfing leynir á sér og er skemmtilegt handverk sem hentar öllum. Endurtekning sem felst í þæfingunni er róandi og sköpunargleðin fær að ráða för. Með slíkri tækni er bæði hægt að breyta áður notuðu en líka búa til nýtt. Meðal annars er hægt að þurrnálaþæfa beint á föt, búa til skraut, listaverk og fígúrur. Komdu og prófaðu allskonar mismunandi aðferðir í þurrþæfingu!

Blómaprent
– Þriðjudaginn 28. júlí.
Í dag verðum við að hluta til úti, týnum blóm og jurtir og prentum þau svo á pappír sem hægt er að nota í kort, merkimiði, myndir og annað skemmtilegt.

Skemmtidagur fyrir Reykjavíkurmaraþonið
Þriðjudaginn 11. ágúst kl. 13:00-16:00 ætlum við að hafa skemmtilegan dag í Ljósinu þar sem einstaklingar og hópar geta komið saman og skreytt boli, derhúfur og skilti fyrir Reykjavíkurmaraþonið 22. ágúst!

Á staðnum verður hægt að fá boli, sokka og skilti til að skreyta. Þeir sem eru að hlaupa fyrir Ljósið fá bolina fría, en sokka er hægt að kaupa gegn vægu gjaldi. Ykkur er einnig velkomið að mæta með eigin pappakassa eða blöð fyrir skiltin.

Endilega skráið ykkur hér eða í móttöku Ljóssins.

Skráning fer fram í móttöku Ljóssins og í síma 561–3770. Einnig er hægt að senda tölvupóst á berglindgunnars@ljosid.is til þess að fá frekari upplýsingar eða koma vangaveltum á framfæri.