Á föstudögum í vetur verða í boði mismunandi handverk í hverjum mánuði. Hugmyndin með þessum námskeiðum er að veita þátttakendum tækifæri til að kynnast nýju og fjölbreyttu handverki. Takmarkaður fjöldi kemst að á hverju námskeiði og því þarf að skrá sig hjá móttöku Ljóssins eða í síma 561 – 3770.
Febrúar – Tréskurður og tálgun: Langar þig að tálga þinn eigin fugl?
Hefst 6. febrúar, fjögur skipti, kl. 10:00-12:00.
Í febrúar verður Bjarni útskurðarmeistari með vinnustofu þar sem tálgaðir verða fuglar. Komdu og prófaðu að tálga þinn eigin fugl!
ATH tréskurður og tálgun verður eingöngu á föstudögum í febrúar en ekki á fimmtudögum eins og vaninn er.
Vinsamlegast látið vita í móttöku Ljóssins eða í síma 561-3770 af komu ykkar síðasta lagi degi fyrir hverja vinnustofu í febrúar þar sem hámarksfjöldi eru 8 manns.
Mars – Tufting/flos
Hefst 6. mars, fjögur skipti, kl. 09:00-12:00.
Við munum draga fram flosnálarnar í mars. Að flosa eða tufta er skemmtilegt handverk en flos er ein tegund vefnaðar þar sem yfirborðið verður mjúkt og áferðin skemmtileg. Á námskeiðinu verður flosað í striga sem spenntur er yfir ramma og búin til verk.
Berglind Gunnarsdóttir tómstundar- og félagsmálafræðingur sér um námskeiðið.
Skráning í móttöku Ljóssins eða í síma 561 – 3770 og á heimasíðu Ljóssins. Efnisgjald er 1.500 kr.
Apríl – Þurrþæfing
Hefst 10. apríl, tvö skipti, kl. 09:00-12:00.
Þurrþæfing leynir á sér og hentar byrjendum sem og reyndum afar vel. Endurtekning sem felst í þæfingunni er róandi og sköpunargleðin fær að ráða för. Með slíkri tækni er bæði hægt að breyta áður notuðu en líka búa til nýtt. Meðal annars er hægt að þurrþæfa beint á föt, búa til skraut, listaverk og fígúrur. Komdu og prófaðu allskonar mismunandi aðferðir í þurrþæfingu!
Berglind Gunnarsdóttir, tómstundar- og félagsmálafræðingur sér um námskeiðið.
Skráning í móttöku Ljóssins eða í síma 561 – 3770 og á heimasíðu Ljóssins. Efnisgjald er 1.500 kr.
Helstu upplýsingar
Föstudagsmorgnar
Utanumhald og skráning: Berglind Gunnarsdóttir, tómstunda- og félagsmálafræðingur.
Efnisgjaldi er haldið í lágmarki.
Skráningar og upplýsingar í móttöku Ljóssins, í síma 561–3770 og hér að neðan.
ATH ávallt er hringt út til að staðfesta skráningar á námskeiðin.
