Fréttir

Þriðjudaginn 8.nóvember kl.13:45 verður haldin fræðsla um líkamlega endurhæfingu ásamt kynningu á stuðningsvörum. Er kynningin fyrir konur sem hafa undirgengist aðgerð á brjósti eða eru á leið í aðgerð á brjósti. Þjálfarar Ljóssins sjá um fræðsluna og Eirberg sér um kynninguna. Fræðslan og kynningin verður í húsnæði Ljóssins við Langholtsveg 43 Meðal þess sem fjallað verður um: • Gervibrjóst • Brjóstahaldara

Lesa meira

Föstudaginn 28.október verður lokað í Ljósinu vegna starfsdags og árshátíðar starfsfólks. Ljósið opnar svo að venju mánudaginn 31.október kl.8:30.

Næsta námskeið hefst á morgun, þriðjudaginn 25.október. Námskeiðið er tvö skipti dagana 25.október og 1.nóvember klukkan 16:30-18:30 Á námskeiðinu gefst ungmennum kostur á að hitta annað ungt fólk sem er í sambærilegum sporum. Hópurinn fær fræðslu en gefst einnig kostur á að ræða reynslu sína og þá líðan sem fylgir því að eiga náinn ástvin sem greinist með alvarlegan sjúkdóm

Lesa meira

Á dögunum tóku fulltrúar Ljóssins á móti viðurkenningu fyrir að hafa safnað mest allra góðgerðafélaga í Reykjavíkurmaraþoninu sem fram fór í ágúst. Alls söfnuðust rúmar 12 milljónir sem er alveg magnaður árangur. Við í Ljósinu erum í skýjunum og full þakklætis öllum þeim sem lögðu verkefninu lið, þessi viðurkenning er til ykkar allra. Hjartans þakkir!   Bestu kveðjur, Starfsfólk Ljóssins

Á dögunum fengum við góða heimsókn í Ljósið, en fyrir skemmstu færði Lionsklúbburinn Fjörgyn Ljósinu tölvubúnað sem er þegar kominn í notkun og nýtist afar vel hjá þjálfurum Ljóssins. Nú var komið að formlegri afhendingu og fengum við þessa skemmtilegu, vösku félaga úr klúbbnum í kaffi, spjall og kynntum við þeim fyrir starfsemi og húsakynnum Ljóssins. Við þökkum þeim innilega

Lesa meira

Í október ár hvert er bleiki dagurinn haldinn hátíðlegur, en með deginum er vakin athygli á árvekniátaki Bleiku slaufunnar og baráttunni gegn krabbameinum hjá konum. Í ár er lögð athygli á það sem hver og einn getur gert til að draga úr líkum á krabbameini. Eru konur hvattar til að að fara í þær reglulegu skimanir í leghálsi og brjóstum

Lesa meira

Mánudaginn 7. nóvember næstkomandi klukkan 16:30 mun Áslaug Kristjánsdóttir kynfræðingur vera með fræðsluerindi fyrir pör um samskipti, kynlíf og nánd. Veikindi geta aukið álag í samskiptum við maka. Gagnkvæmur stuðningur í parsambandi er reglulega dýrmætur og því er mikilvægt að viðhalda góðum samskiptum og tengslum í parsambandinu. Fyrirlesturinn fer fram í Ljósinu og er skráning hafin hér.

Fyrrum félagar úr Bjartri Framtíð færðu Ljósinu einnar milljón króna gjöf. Með framlagi þessu vilja þau minnast Elvu Gestsdóttur sem lést nýverið eftir hetjulega baráttu við krabbamein. Við sendum okkar hlýjustu þakkir fyrir styrkinn og einlægar samúðarkveðjur til allra aðstandenda.

Kæru vinir, Í dag hefjast úthringingar þar sem fólki er boðið að gerast Ljósavinur. Okkur þætti vænt um ef þið takið vel á móti því góða fólki sem hringir fyrir hönd Ljóssins. Njótið dagsins.

Bleikur október er yfirskrift listamánaðar í Bústaðakirkju. Í október gefst tónleikagestum á hádegistónleikum kirkjunnar kost á að leggja  starfi Ljóssins lið. Hádegistónleikar verða alla miðvikudagana í október og mun tónlistin í sunnudagshelgihaldi Bústaðakirkju í október einnig taka mið af Bleikum október Tenórarnir Gunnar Guðbjörnsson, Jóhann Friðgeir Valdimarsson og Marteinn Snævarr Sigurðsson syngja á hádegistónleikum í Bústaðakirkju miðvikudaginn 12. október kl. 12:05-12.30.

Lesa meira