Auglýsingar í Tímarit Ljóssins

Í ár fagnar Ljósið, endurhæfingarmiðstöð fyrir krabbameinsgreinda og aðstandendur þeirra, 15 ára afmæli.

Ljósið er eina endurhæfingarmiðstöðin á Íslandi sem sinnir allri fjölskyldunni þegar einstaklingur greinist með krabbamein, en fleiri en 500 einstaklingar koma í hverjum mánuði til að fá endurhæfingu og stuðning. Starfsemi Ljóssins hefur vaxið gífurlega á undanförnum árum og mikil aukning á ungu fólki sem nýtir sér þjónustuna. Fram undan er aukin þjónusta við einstaklinga sem búa á landsbyggðinni.

Þjónustan í Ljósinu snýst um líkamlega, andlega og félagslega endurhæfingu en þar starfar teymi sérfræðinga sem telur meðal annars iðjuþjálfa, sjúkraþjálfara, sálfræðing, næringarfræðing, markþjálfa, íþrótta- og heilsufræðinga, heilsunuddara og listmeðferðarfræðing. Sjúkdómurinn hefur áhrif á alla í fjölskyldunni og því geta aðstandendur líka fengið stuðning.

Húsnæði Ljóssins er heimilislegt og notalegt, og þar má finna starfsemi alla virka daga en jafnframt á kvöldin þegar þörf krefur. Nýr og glæsilegur tækjasalur gerir nú enn meiri líkamlega endurhæfingu mögulega.

Í ár ætlum við að koma málstaðnum víðar og lengra með því að birta árlega Ljósablaðið í glæsilegri rafrænni útgáfu.

Meðal efnis í blaðinu verður:

  • Pistill frá forstöðukonu Ljóssins
  • 15 ára afmæli Ljóssins
  • Vinskapurinn í Ljósinu
  • Líkamleg endurhæfing eftir brjóstakrabbamein
  • Náttúra og sköpun samofin í nýju námskeiði í Ljósinu
  • Þróun fjarendurhæfingar fyrir krabbameinsgreinda í Kanada – Doktorsnám Hauks Guðmundssonar, sjúkraþjálfara í Ljósinu
  • Viðtal við ungan aðstandanda
  • Úr endurhæfingu í pólitík: Hildur Björnsdóttir
  • Árið að baki – Myndaþáttur
  • Margrét Frímanns: Formenn stjórnar Ljóssins horfa til baka
  • Markmiðin í óvissunni: Markþjálfar Ljóssins ræða saman
  • Barnanámskeiðið í Ljósinu

Fjölbreytt miðlunarform fyrir ólíkar þarfir
Til að ná til mismunandi aldurshópa mun tímaritið okkar í ár verða rafrænt. Blaðið mun birtast sem vefsíða þar sem greinargott efnisyfirlit færir lesendur í áhugavert efni sem verður í margvíslegu formi. Þar munu verða hljóðvörp, hefðbundnari skrifuð viðtöl og myndvörp en með þessu móti teljum við alla auglýsendur geta fundið leið sem þeim hentar til að koma sinni vöru eða þjónustu á framfæri. Með þessu móti getum við einnig komið efni fyrir á öðrum miðlum, líkt og hljóðvörp á hljóðvarpsveitum, og fengið fólk þaðan inn í blaðið.

Dreifing
Dreifing tímaritsins verður með þarfir ólíkra hópa í huga:
Yfir 10.000 heimili munu fá sent heim fallegt póstkort með QR-kóða og slóð inn á blaðið.
3.000 tölvupóstar verða sendir út með tengli á blaðið.
Allir þjónustuþegar Ljóssins munu einnig fá blaðið í sms.
Blaðið verður gert aðgengilegt með QR-kóða í heilsíðuauglýsingu í Fréttablaðinu, á strætóskýlum og á veggjum Landspítala.
Blaðinu verður dreift með herferð á samfélagsmiðlum.

Tækifæri
Við höldum áfram að bjóða upp á mismunandi kynningarleiðir.
Vefborðar, líkt og má finna í fjölmiðlum á borð við Vísi og mbl.is, verður að finna í greinum og myndaþáttum. Vefborðarnir verða ofarlega í hverri færslu og munu fela í sér hlekk yfir á lendingarsíðu að eigin vali. Vefborðunum skal skilað í eftirfarandi pixlastærðum fyrir mismunandi breidd vafra: 1920 x 1080 og 275 x 850.
Merki eða lógó fyrirtækis mun birtast í hverri færslu í svokölluðum merkja-klasa. Bak við hvert merki er hlekkur svo forvitnir lesendur geti fundið út hvar megi nálgast vöru eða þjónustu.
Afmæliskveðjur verða í boði og mun rafræn útgáfa blaðsins leyfa smell á lendingarsíðu að eigin vali.
Hljóðauglýsingar verða í boði fyrir örfá fyrirtæki. Frekari upplýsingar um þann möguleika má nálgast …

Verð má fá með því að hafa samband við Ljósið

  • Vefborði með hlekk
  • Logo/merki með hlekk
  • Afmæliskveðja með hlekk

Ath. að ekki bætist vsk. við auglýsingaverð.

Ljósið er sjálfseignarstofnun sem nýtur engra styrkja úr söfnunum Krabbameinsfélagsins og er starfsemin að miklu leyti rekin á frjálsum framlögum.

Það er von okkar að þú og fyrirtæki þitt sjái sér fært að styðja við útgáfu blaðsins og þannig hjálpa okkur við að kynna starfsemi Ljóssins.

*Athugið að þeim aðilum sem hugnast vefborði en hönnun er
ekki fyrir hendi, er í boði að fá hönnun setta saman samkvæmt eigin staðli.
Frekari upplýsingar veitir Kristín.