Aðstandendur ungmenni frá 14 ára

Fjölskyldan stendur frammi fyrir nýjum aðstæðum þegar einn úr fjölskyldunni greinist með krabbamein. Oftar en ekki er talað um krabbamein sem fjölskyldusjúkóm því greiningin getur valdið miklu umróti og álagi á líf allra í fjölskyldunni, ekki aðeins þess sem greinist. Hvernig einstaklingar aðlagast breytingum er mismunandi hjá hverjum og einum en hlutir geta þróast á þann veg að það er ekki alltaf sá krabbameinsgreindi sem líður verst andlega.

Námskeið fyrir unga aðstandendur í samstarfi við KVAN

Langar þig að kynnast sjálfri/-um þér betur og styrkjast í daglegu lífi? Komdu og taktu þátt í ókeypis uppbyggilegri og styrkjandi vinnustofu í haust!

Í haust verða þrjár Kvan vinnustofur með mismunandi áherslum þar sem við lítum inn á við.

Vinnustofa 1 – Þægindahrings & Lífshjólsvinnustofa – 21. september

Farið verður yfir hugtakið þægindahringurinn og okkar hringur skoðaður, hvað okkur þykir þægilegt og hvað er krefjandi, hvers vegna og hvort það séu hlutir sem við viljum vinna með þora að prófa og leiðir til þess. Hugtakið lífshjólið verður skoðað sem er einskonar stöðumat á lífi okkar og skoðuð er markmiðasetning í takt við það.

Vinnustofa 2 – Styrkleikavinnustofa VIA character strengths styrkleikaprófið – 19. október

Farið verður yfir niðurstöður úr ókeypis styrkleikaprófi þar sem skoðaðir eru okkar helstu styrkleikar, hvað við viljum efla og hvernig við getum nýtt styrkleika okkar í daglegu lífi. Hvernig þeir birtast hjá okkur sem hjálpar okkur að skilja okkur sjálf og aðra. Það auðveldar okkur að efla tengsl og bera virðingu fyrir okkur sjálfum og öðrum.

Vinnustofa 3 – Samskiptavinnustofa (samskiptahjólið & samskiptamarkmið) – 16. nóvember

Þemað í þessari vinnustofu eru samskipti. Skoðaðar eru týpur í samskiptum. Hvað ber að varast í samskiptum, hverjir eru okkar varnarhættir í samskiptum, hvað eru góð samskipti og hvers vegna þau skipta máli.

Við skoðum hvernig við getum prófað nýja hluti, tekist á við áskoranir á okkar eigin forsendum og lært að þekkja og virða okkar mörk og annarra.

Á vinnustofum Kvan færð þú tækifæri til að:

• Auka sjálfstraust og trú á eigin getu
• Læra að halda jafnvægi í daglegu lífi (andlega og líkamlega)
• Fá verkfæri til að takast á við kvíða, álag og streitu
• Skilja áhrif samfélagsmiðla og lærðu að forðast samanburð og fullkomnunaráráttu
• Þróa sterka samskiptahæfni
• Læra markmiðasetningu og finna þína helstu styrkleika
• Æfa þig í framkomu og að tala fyrir framan hóp
• Byggja upp leiðtogahæfni og lærðu að vinna vel með öðrum
• Læra að setja mörk og einbeita þér að lausnum

Reglulega eru haldin námskeið fyrir ungmenni frá 14-17 ára. Fjölbreytni hefur verið með fyrirkomulag námskeiðsins en áhersla hefur verið lögð á fræðslu, sjálfstyrkingu og jafningjastuðning. Ljósið hefur verið meðal annars verið í samstarfi við Út fyrri kassann, Dale Carnegie og KVAN.