Á föstudögum í vetur verða í boði mismunandi handverk í hverjum mánuði. Hugmyndin með þessum námskeiðum er að veita þátttakendum tækifæri til að kynnast nýju og fjölbreyttu handverki. Takmarkaður fjöldi kemst að á hverju námskeiði og því þarf að skrá sig hjá móttöku Ljóssins eða í síma 561 – 3770.
Apríl – Þurrþæfing
Hefst 10. apríl, tvö skipti, kl. 09:00-12:00.
Þurrþæfing leynir á sér og hentar byrjendum sem og reyndum afar vel. Endurtekning sem felst í þæfingunni er róandi og sköpunargleðin fær að ráða för. Með slíkri tækni er bæði hægt að breyta áður notuðu en líka búa til nýtt. Meðal annars er hægt að þurrþæfa beint á föt, búa til skraut, listaverk og fígúrur. Komdu og prófaðu allskonar mismunandi aðferðir í þurrþæfingu!
Berglind Gunnarsdóttir, tómstundar- og félagsmálafræðingur sér um námskeiðið.
Skráning í móttöku Ljóssins eða í síma 561 – 3770 og á heimasíðu Ljóssins. Efnisgjald er 1.500 kr.
Maí – Dúkrista
Hefst 8. maí, 4 skipti, kl. 09:00-12:00.
Á föstudögum í maí kynnumst við undirstöðuatriðum í dúkristu (e. linocut) sem er ein tegund prentlistar. Í dúkristu eru myndir skornar beint í dúka, lit er rúllað yfir og myndin er prentuð á blað. Dúkrista er skemmtilegt ferli og heill heimur af skapandi möguleikum opnast þegar dúkrista á í hlut.
Berglind Gunnarsdóttir, tómstundar- og félagsmálafræðingur sér um námskeiðið.
Skráning í móttöku Ljóssins eða í síma 561 – 3770 og á heimasíðu Ljóssins. Efnisgjald er 4.000 kr.
Helstu upplýsingar
Föstudagsmorgnar
Utanumhald og skráning: Berglind Gunnarsdóttir, tómstunda- og félagsmálafræðingur.
Efnisgjaldi er haldið í lágmarki.
Skráningar og upplýsingar í móttöku Ljóssins, í síma 561–3770 og hér að neðan.
ATH ávallt er hringt út til að staðfesta skráningar á námskeiðin.
