Fræðsla í streymi

Fræðslan í streymi er fyrst og fremst ætluð fólki á landsbyggðinni og þeim sem hafa ekki tök á að sækja fræðslu í húsnæði Ljóssins að Langholtsvegi.

Markmið

Að fólk í svipuðum sporum fái fræðslu, taki þátt í umræðum og fái þannig stuðning til að takast á við breytingar í kjölfar greiningar. Umsjón með námskeiðinu hafa iðjuþjálfar í Ljósinu, en auk þeirra halda fagaðilar fyrirlestra um sín sérsvið og stýra umræðum.

Á námskeiðinu verður fjallað um aðstæður og úrlausnir þegar það verða breytingar á lífinu, hvernig greining og meðferð geta haft áhrif á líðan, hvernig hægt sé að efla eigin heilsu og mikilvægi þess að viðhalda og byggja upp orku, þrek, samskipti, nánd og kynhegðun og auðvitað hvernig við sköpum áhugaverða framtíðarsýn.

Þessi námskeið hafa skapað mikla samkennd og veitt þátttakendum mikinn jafningjastuðning í gegnum árin.

September 1. hluti – Umsjón Louisa Sif Mønster, iðjuþjálfi
2. september – Louisa Sif Mønster, iðjuþjálfi – Daglegar venjur
9. september – Sólveig Hlín Kristjánsdóttir, sálfræðingur – Samkennd í huga og hjarta
16. september – Erla Ólafsdóttir, sjúkraþjálfari – Líkamleg endurhæfing
23. september – Lilja Guðmundsdóttir, næringarfræðingur – Meðferð, matur og mildi
30. september – Virpi Jokinen, skipuleggjandi – Fækkum, flokkum og röðum

Nóvember 2. hluti – Umsjón Berglind Ásgeirsdóttir, iðjuþjálfi
4. nóvember – Matti Ósvald Stefánsson, markþjálfi – Listin að velja sig
11. nóvember – Berglind Ásgeirsdóttir, iðjuþjálfi – Að virka nærumhverfið
18. nóvember – Alda Pálsdóttir, iðjuþjálfi – Taugakerfið
25. nóvember – Eyþór Eðvarðsson, stjórnendaþjálfari og ráðgjafi – Að virkja kraftinn í streitunni