Fyrir helgi fengum við frábæra heimsókn frá starfsfólki BAUHAUS. Fyrirtækið stendur árlega fyrir fallegu jólaátaki þar sem þremur málefnum eru veittar jólagjafir að andvirði 500.000 kr. hvert og í ár var Ljósið eitt af þeim.
Fulltrúar BAUHAUS komu færandi hendi með 500.000 kr. inneign, glæsilegt jólatré og jólaskraut. Inneignin mun nýtast einstaklega vel þegar Ljósið flytur í stærra húsnæði!
Við erum innilega þakklát fyrir þennan stuðning og hlökkum til að skreyta Ljósið með nýja jólaskrautinu okkar í dag.
Á myndinni frá vinstri eru: Ester Lind Theodórsdóttir, markaðsfulltrúi, Erna Magnúsdóttir, framkvæmdastýra, Jóhann Bjarni Pétursson, rekstrarstjóri BAUHAUS, Karen Anna Sævarsdóttir, mannauðsfulltrúi
Ekki er hægt að skilja eftir athugasemdir.
