Vilt þú hlaupa með okkur?

eftir Sólveigu K. Pálsdóttur

Það er komið að því! Reykjavíkurmaraþon Íslandsbanka nálgast óðfluga – og við í Ljósinu erum að gera okkur tilbúin að vanda. Það er alltaf sérstök tilfinning þegar maraþonundirbúningurinn fer af stað; við verðum auðmjúk og þakklát fyrir allt fólkið sem hefur hlaupið fyrir okkur í gegnum árin en líka full af tilhlökkun fyrir skráningarhátíðinni og maraþondeginum sjálfum. Það er nefnilega einhver ólýsanleg orka sem fylgir þeim sem hlaupa og þeim sögum sem þau deila með okkur af því hvernig endurhæfingin í Ljósinu hafi gagnast aðstandanda eða þeim sjálfum.

Og nú er fjörið að byrja að nýju!

Mig langaði því að setja niður nokkra punkta sem allt okkar góða fólk sem mögulega vill hlaupa sjálf eða veit um öflugt, skemmtilegt og hjartahlýtt fólk sem vill hlaupa með okkur og safna áheitum fyrir það mikilvæga og lífsnauðsynlega starf sem fram fer innan veggja Ljóssins.

Hlaupið fyrir tilgang – ekki bara tímann!
Allir sem skrá sig í Reykjavíkurmaraþonið geta tekið þátt í áheitasöfnun – og það er einmitt þar sem þið komið inn! Á mínum síðum á hlaupastyrkur.is má velja Ljósið sem sitt góðgerðarfélag, sett upp eigin söfnunarsíðu og byrjað að safna fyrir málstað sem skiptir virkilega máli. Hvort sem hlaupið er 3 km, 10 km, hálft maraþon eða heilt, þá skiptir það öllu að hlaupið sé fyrir von, styrk og lífsgæði þeirra sem glíma við krabbamein.

Af hverju Ljósið?
Ljósið er sjálfstætt starfandi endurhæfingarmiðstöð sem veitir krabbameinsgreindum og aðstandendum þeirra heildræna endurhæfingu – andlega, líkamlega og félagslega. Við styðjum fólk allt frá 6 ára aldri, og frá 16 ára aldri með virka endurhæfingu, undir handleiðslu fagfólks sem vinnur af heilum hug að því að styrkja fólk til að lifa með og eftir krabbamein.

Í gegnum árin hefur Reykjavíkurmaraþonið verið okkur ómetanlegt afl – bæði fjárhagslega og samfélagslega. Árið 2019 söfnuðum við svo miklu að við gátum fjármagnað nýtt húsnæði fyrir endurhæfingu. En við erum vaxandi – og núna erum við aftur að safna fyrir stærra og betra húsnæði fyrir þjónustuna okkar. Það er mikilvægt. Það er nauðsynlegt. Og með þinni hjálp er það mögulegt.

Gleði, samhugur og hlaupagleði!
Að hlaupa fyrir Ljósið er ekki bara hlaupadagur – það er upplifun! Við munum standa með ykkur á hliðarlínunni, hvetja ykkur með öllum þeim krafti sem við eigum og sjá til þess að þið finnið til stolts og tilgangs. Þið fáið líka glæsilegan Ljósabol og við verðum með bás á skráningarhátíðinni þar sem við fögnum saman og kynnumst nýjum hlaupavinum.

Við vitum að þetta virkar – því þið hafið sýnt það aftur og aftur.
Í fyrra safnaði Ljósið mest allra félaga – heilar 22.833.176 krónur! Þetta er afrakstur gleði, samstöðu og seiglu. Við þökkum ykkur öllum sem hlupuð, hvöttuð og styrktuð – og nú ætlum við að gera þetta aftur. Stærra. Sterkara. Meira Ljósi!

Skráðu þig – safnaðu – hreyfðu – hvettu!
Vertu með okkur í sumar. Hlaupið þitt getur skipt sköpum fyrir líf einhvers annars. Hlaupið fyrir vonina. Hlaupið fyrir styrkinn. Hlaupið með Ljósinu.