Kæru vinir,
Gefin hefur verið út veðurviðvörun vegna aftakaveðurs á höfuðborgarsvæðinu næsta sólarhring.
Að vandlega ígrunduðu máli hefur sú ákvörðun verið tekin að lokað verði í Ljósinu frá klukkan 12:00 í dag, miðvikudaginn 5. febrúar. Einnig verður lokað á morgun, fimmtudaginn 6. febrúar.
Ákvörðun þessi er tekin með öryggi okkar allra að leiðarljósi.
Fyrir þau sem bókuð eru í viðtöl munu fagaðilar bjóða upp á fjarviðtöl í gegnum viðurkenndan fjarviðtalsbúnað. Skipuleggjendur námskeiða munu upplýsa þátttakendur um fyrirkomulag námskeiða. Athugið að einnig er lokað í tækjasal Ljóssins.
Við biðjum ykkur öll að fara varlega og njóta góðrar inniveru á meðan stormurinn geisar. Við hlökkum til að taka á móti ykkur þegar veðurofsinn hefur gengið niður.
Hlýjar kveðjur,
Starfsfólk Ljóssins
Ekki er hægt að skilja eftir athugasemdir.
