Á síðasta degi febrúarmánaðar heimsótti jafningjahópur krabbameinsgreindra á aldrinum 20-45 ára í Ljósinu Kaffibrugghúsið á Granda heim. Þó svo að ekki sé búið að opna fyrir gestum og gangandi bauð Sonja Björk Grant, sem er einn af okkar þekkingarmestu kaffibarþjónum og eigandi fyrirtækisins okkur í ævintýralega fræðslu um kaffiræktun, tínslu, brennslu og uppáhellingu kaffis. Hluti af upplifuninni var að smakka þrjár mismunandi tegundir af kaffi sem reyndist spennandi áskorun fyrir marga. Þórdís Reynisdóttir var með í för og smellti af nokkrum skemmtilegum myndum af augnablikinum.
![Það var glatt á hjalla á Kaffibrugghúsinu](https://i2.wp.com/ljosid.is/wp-content/uploads/2019/03/Kaffismakk_Ljosid.jpg?fit=1024%2C683&ssl=1)
Kaffibrugghúsið mun opna dyr sínar á vordögum en þar verður að finna kaffibrennslu, kaffihús og aðstöðu fyrir námskeið, löggildingar og margskonar þjálfanir fyrir fagfólk sem og áhugamenn og -konur um kaffi.
![](https://i2.wp.com/ljosid.is/wp-content/uploads/2019/03/Kaffismakk_Ljosid_sonja_grant.jpg?fit=1024%2C683&ssl=1)
![](https://i0.wp.com/ljosid.is/wp-content/uploads/2019/03/Kaffismakk-bollar.jpg?fit=1024%2C683&ssl=1)
Markmið jafningjahópsins í Ljósinu er að brjóta upp hversdaginn reglulega með skemmtilegum heimsóknum og samveru. Á sama tíma eru meðlimir að auka úthald og þol í félagslegum aðstæðum sem og að deila reynslu sinni og miðla góðum ráðum, og kynnast skemmtilegu fólki.
![](https://ljosid.is/wp-content/uploads/2019/03/Kaffismakk-hluti-hópsins-e1551793806470-768x1024.jpg)
Við sendum okkar bestu þakkir til Sonju og félaga hjá Kaffibrugghúsinu og hlökkum til að kíkja við í rjúkandi heitan bolla í vor.
Ekki er hægt að skilja eftir athugasemdir.