Fræðslunámskeið fyrir fólk með langvinnt krabbamein

Hópmeðferðarnámskeið fyrir fólk sem er með langvinnt krabbamein.

Umsjón: Anna Sigríður Jónsdóttir BSc iðjuþjálfi og Rannveig Björk Gylfadóttir, sérfræðingur í krabbameinshjúkrun. Rannveig Björnsdóttir næringarfræðingur, MSc verður með fræðslu um næringu í einum tímanum.

Aðalmarkmiðin með námskeiðinu eru að þátttakendur auki jafnvægi sitt í daglegu lífi, virkni, vellíðan og von. Á námskeiðinu gefst tækifæri til þess að hitta aðra í sömu sporum, fá fræðslu og stuðning við að þekkja eigin tilfinningar og hugsanir. Einnig kynnum við leiðir til að efla sjálfsmyndina, draga úr þreytu og auka jafnvægi í daglegri iðju. Við skoðum áhrif veikinda á fjölskyldun og samskiptakerfi hennar, hugum að næringu og kynnumst slökun og árvekni.

Námskeiðið er á miðvikudögum í 8 skipti og 2 tíma í senn, á milli kl. 14-16.  Námskeiðið byggir á fræðslu, stuttum verkefnum, umræðum og slökunar/núvitundar æfingum.

Tímum námskeiðsins er skipt niður í eftirfarandi efnisþætti:

  • Kynning. Viðbrögð og aðlögun vegna veikinda
  • Þreyta og jafnvægi í daglegri iðju
  • Að þekkja eigin tilfinningar og hugsanir
  • Holl næring og næringarvenjur
  • Sjálfmynd og sjálfstyrkur
  • Samskipti og félagslegur stuðningur
  • Tilgangur, markmið og von
  • Upprifjun og úrvinnsla

Næsta námskeið

Nýtt námskeið hefst 17. september

Mánudagar frá kl. 14:00 – 15:45
8 vikur – sjá efnistök hér til hliðar

Umsjón: Anna Sigríður Jónsdóttir iðjuþjálfi
og Rannveig Björk Gylfadóttir, sérfræðingur í krabbameinshjúkrun

Námskeiðið kostar kr. 3.000

Hægt er að skrá sig með því að senda tölvupóst á ljosid (@) ljosid.is eða með því að hringja í síma 561-3770 og haft verður samband þegarnær dregur námskeiði.

Skráning og upplýsingar í síma 561-3770