Við bjóðum þjónustuþega Ljóssins og aðstandendum þeirra hjartanlega velkomna á fyrirlestraröðina Samtalið heim.
Á námskeiðum í Ljósinu hefur oft verið rætt hversu þarft og gott það væri fyrir þjónustuþega og aðstandendur að vera saman á fræðslu. Sérstaklega þar sem oft er erfitt að yfirfæra upplýsingar og upplifanir heim. Þegar tveir hlusta saman er einnig hægt að ræða fyrirlesturinn þegar heim er komið án þess að þurfa að endursegja hann.
Fyrirlestraröð fyrir ljósbera og aðstandendur þeirra. Fyrirlestrarnir eru síðasta mánudag hvers mánaðar.
Staðsetning er í húsnæði Ljóssins og verður fræðslunum einnig streymt í gegnum ZOOM.
Skráning fer fram rafrænt og í móttöku Ljóssins.
27. apríl – Svefn og krabbamein, Kristín Hulda Gísladóttir sálfræðingur
Á erindinu er fjallað um svefn og svefnvanda og hvernig krabbamein geta valdið eða aukið svefnvanda. Auk þess sem farið er yfir hin ýmsu svefnráð sem geta nýst til að bæta svefninn, hvort sem um er að ræða nýtilkomið svefnvandamál eða langvarandi svefnvanda.
Næsti fyrirlestur
Fyrirlestur 27. apríl
Mánudagur kl. 16:30-17:30
Staðsetning:
Fræðslan fer fram í húsnæði Ljóssins við Langholtsveg en einnig í streymi.
