Við bjóðum þjónustuþega Ljóssins og aðstandendum þeirra hjartanlega velkomna á fyrirlestraröðina Samtalið heim.
Á námskeiðum í Ljósinu hefur oft verið rætt hversu þarft og gott það væri fyrir þjónustuþega og aðstandendur að vera saman á fræðslu. Sérstaklega þar sem oft er erfitt að yfirfæra upplýsingar og upplifanir heim. Þegar tveir hlusta saman er einnig hægt að ræða fyrirlesturinn þegar heim er komið án þess að þurfa að endursegja hann.
Fyrirlestraröð fyrir ljósbera og aðstandendur þeirra. Fyrirlestrarnir eru síðasta mánudag hvers mánaðar.
Staðsetning er í húsnæði Ljóssins og verður fræðslunum einnig streymt í gegnum ZOOM.
Skráning fer fram rafrænt og í móttöku Ljóssins.
26. janúar 2026 – Samtalið heim innkirtlameðferð, Ólöf Kristjana Bjarnadóttir, krabbameinslæknir
Líkamleg og andleg líðan getur breyst mikið við að vera á andhormónum. Áhrifin geta verið fjölbreytt og mismunandi eftir einstaklingum og hafa sömuleiðis mismikil áhrif á aðstandendur og umhverfi þeirra sem lyfin taka. Í þessum fyrirlestri en rætt um hvaða andlegar og líkamlegar aukaverkanir er gott að hafa í huga þegar tekin eru andhormón og farið yfir gagnleg ráð við áhrifum andhormóna á geð, svefn, húð, þyngd, kynhvöt og fleira.
Ólöf, læknir mun fara nánar yfir lyfin, hvernig þau eru að virka og hverjir fá þau. Einnig verður rætt um breytingar á lyfjum þegar skerðing á lífsgæðum er orðin of mikil.
Næsti fyrirlestur
Næsta námskeið verður 26. janúar 2026
Mánudagur kl. 16:30-17:30
Staðsetning:
Fræðslan fer fram í húsnæði Ljóssins við Langholtsveg en einnig í streymi.
