Styrktarátak Nettó skilar 5.5 milljónum króna til Ljóssins

Sam­starfs­verk­efni Nettó og Ljóss­ins hef­ur skilað fimm og hálfri milljón króna, sem renna nú óskipt til end­ur­hæf­ing­ar fólks með krabba­mein. Þetta er þriðja árið í röð sem Nettó og Ljósið efna til sam­starfs í júlí­mánuði og í ár var það mynd­list­ar­maðurinn Steingrímur Gauti sem hannaði listaverkið sem prýðir sérhannaða, fallega slæðu og veglegan taupoka. Vörurnar voru seldar í verslunum Nettó um allt land.

Átakið gekk sem fyrr von­um fram­ar og söfnuðust fimm og hálf milljón króna. Þá mun sá varn­ing­ur sem enn er óseld­ur vera til sölu hjá Ljós­inu í vet­ur og all­ur ágóði áfram renna til stuðnings við Ljósið.

Sönn ánægja að leggja okkar af mörkum 

„Það er okkur sönn ánægja að leggja okkar af mörkum til Ljóssins. Starfið sem þar fer fram snertir samfélagið allt og við erum afar þakklát fyrir frábæra þátttöku viðskiptavina Nettó um land allt sem sýndu stuðning sinn í verki með því að kaupa fallegu vörurnar með verki Steingríms Gauta í Nettó“ sagði Katrín Aagestad Gunnarsdóttir, markaðsstjóri Nettó. Varn­ing­ur­inn verður til sölu áfram á meðan birgðir end­ast í Ljós­inu og ég hvet fólk til að næla sér í spil eða poka þar“.

Eva Guðrún Kristjánsdóttir, verkefnastjóri markaðsmála hjá Ljósinu, Steingrímur Gauti, listamaður og Katrín Aagestad Gunnarsdóttir, markaðsstjóri Nettó.

„Stoltur að fá að leggja verkefninu lið“

„Afi minn fór í endurhæfingu hjá Ljósinu og leið þar virkilega vel, Ljósið er því alveg sérstakur staður fyrir mér og því finnst mér sjálfsagt að taka þátt í þessu styrktarverkefni. Orkan í húsinu hefur alltaf verið jákvæð og falleg – næstum því áþreifanleg, og ég er því stoltur að fá að leggja verkefninu lið og óska öllum sem tengjast Ljósinu alls hins besta,“ sagði Steingrímur Gauti Ingólfsson, myndlistarmaður.

„Fyr­ir miðstöð eins og Ljósið sem reiðir sig að stór­um hluta á stuðning þjóðar­inn­ar er verk­efni eins og þetta ómet­an­legt. Við erum virki­lega þakk­lát öllu okk­ar góða fólki hjá Nettó, listamanninum Steingrím Gauta sem og öll­um þeim sem lögðu verk­efn­inu lið með kaup­um á vör­um. Þess­ir fjár­mun­ir gera okk­ur kleift að halda áfram að veita þeim sem grein­ast mik­il­væga end­ur­hæf­ingu,“ seg­ir Eva Guðrún Kristjánsdóttir, verkefnastjóri markaðsmála hjá Ljósinu.