Í Ljósinu er alltaf eitthvað um að vera og nú á fimmtudaginn næstkomandi hefst 4 vikna námskeið í bandvefslosun.
Bandvefur er stoðvefur sem umlykur og tengir saman mismunandi vefi og er milliliður í flutningi næringarefna og taugaboða. Ef rennsli milli bandvefslaga minnkar missir hann seigu teygju eiginleika sína sem getur haft áhrif á hreyfigetu. Ýmiskonar verkir og skert hreyfigeta geta verið einkenni frá stífum bandvef. Til dæmis getur stífni í herðablaði leitt upp í höfuð og stífni í mjöðm og læri getur haft mikil áhrif á bakið.
Bandvefslosun getur meðal annars hjálpað til við að:
- Draga úr verkjum og streitu
- Bæta líkamsstöðu
- Auka hreyfifærni og vellíðan
Námskeiðið hefst: Fimmtudaginn 20. mars og er í 4 skipti
Tímar: Fimmtudagar kl. 12:00 – 12:45
Staðsetning: Æfingasalur Ljóssins
Nánari upplýsingar og skráning hjá þjálfurum Ljóssins.
Ekki er hægt að skilja eftir athugasemdir.
