Hvað gerist eftir brjóstaaðgerð? Hvernig er hægt að stuðla að betri hreyfigetu og vellíðan?
Fimmtudaginn 13. mars kl. 10:00 – 12:00 býður Ljósið upp á fræðslu og kynningu á stoðvörum fyrir þau sem hafa gengist undir aðgerð á brjósti vegna brjóstakrabbameins eða eiga eftir að fara í slíka aðgerð.
Dagsetning: Fimmtudaginn 13. mars
Tími: kl. 10:00 – 12:00
Staðsetning: Ljósið
Hvað fjallar fræðslan um?
Mikilvægi hreyfingar eftir aðgerð Hvernig hægt er að vinna gegn stirðleika og verkjum Algengar aukaverkanir og hvernig hægt er að takast á við þær Kynning á stoðvörum sem veita stuðning og vellíðan
Fyrirlesarar:
Guðrún Erla og Inga Rán, þjálfarar Ljóssins, ræða mikilvægi hreyfingar eftir aðgerð og hvernig hægt er að endurheimta styrk og liðleika á öruggan hátt.
Gígja Grétarsdóttir, hjúkrunarfræðingur frá Eirberg, kynnir stoðvörur sem geta veitt stuðning í bataferlinu.
Hreyfing skiptir máli í endurhæfingu
Eftir aðgerð á brjósti er algengt að upplifa skerðingu á hreyfigetu, spennu í vöðvum og jafnvel verki. Með markvissum æfingum er hægt að draga úr þessum einkennum og vinna á móti stífleika. Að byrja rólega og fylgja fyrirmælum fagfólks er lykillinn að góðri endurhæfingu.
Á fræðsluerindinu fá þátttakendur góð ráð og leiðbeiningar um hvernig hægt er að hlúa að líkamanum eftir aðgerð, hvaða æfingar henta best og hvernig hægt er að nota stoðvörur til að auka vellíðan.
Gefðu þér tíma til að hlúa að þér – við hlökkum til að sjá þig!
Skráning: Hægt er að skrá sig hjá móttöku í síma 561-3770 eða hjá þjálfurum Ljóssins.
Ekki er hægt að skilja eftir athugasemdir.
