Samkennd í huga og hjarta

Að finna samkennd í huga og hjarta er fjögurra vikna námskeið þar sem fléttað er saman aðferðum hugrænnar atferlismeðferðar (HAM) og samkenndar.

Hugræn atferlismeðferð er vel rannsökuð aðferð sem hefur áhrif á hugsanamynstur, viðhorf og virkni. HAM hefur reynst vel við kvíða og þunglyndi og með því að flétta inn æfingum í samkennd eykst velvilji í eigin garð og í garð annarra. Með aukinni samkenndarþjálfun er hægt að taka betur utan um tilfinningar sínar og sýna sér og öðrum mildi, skilning og hlýju.

Á námskeiðinu verður lögð áhersla á:

• Hugleiðsluæfingar fyrir samkennd og núvitund
• Skoða vanamynstur í hugsun og hegðun
• Skoða eigin viðhorf og skýringarstíl
• Að sýna sér og öðrum samkennd

Námskeiðinu er ætlað að hjálpa til við að milda innra samtalið þannig að tilfinningar verða viðráðanlegri og þátttakendur nái að vera betur til staðar í daglegu lífi.