Viðtal við sjúkraþjálfara

Í fyrsta viðtali sjúkraþjálfara er markmiðið að meta stöðu einstaklings í sínu meðferðarferli og hefja líkamlega endurhæfingu í samræmi við það. Veitt er persónuleg rágjöf með tilliti til heilsufarslegra- og félagslegra þátta til að virkja og hvetja til hreyfingar og þjálfunar í samræmi við klínískar leiðbeiningar. Sjúkraþjálfarinn metur einnig þörf fyrir sértæka þjónustu vegna krabbameins og/eða krabbameinsmeðferðar s.s. sogæðabjúgs, og býður upp á viðeigandi meðferðarferli.  Þessu til viðbótar gerir sjúkraþjálfarinn heilsufarsmælingar t.d. þrekpróf, mælingu á blóðþrýstingi, púlsi og líkamssamsetningu. Markmið með líkamlegri endurhæfingu eru skráð og endurhæfingaráætlun sett saman út frá þeim.

Athugaðu að ekki er um beina skoðun á kvillum eða bekkjarmeðferð hjá sjúkraþjálfara að ræða.

Sjúkraþjálfarar og íþróttafræðingar Ljóssins halda utan um líkamlega endurhæfingu og fylgja þér eftir með reglubundnum viðtölum.

UNDIRBÚNINGUR FYRIR MÆLINGAR:

• Forðist mat, drykk og koffín um 2 klst. fyrir viðtal.
• Mæta í þægilegum fötum (t.d. íþróttafötum) og með íþrótta- eða strigaskó.
• Mikilvægt að taka inn öll lyf eins og venjulega þennan dag ef það á við.

Þjálfarateymi Ljóssins:

• Áslaug Helga Aðalsteinsdóttir, yfirsjúkraþjálfari – aslaug@ljosid.is
• Erla Ólafsdóttir, sjúkraþjálfari – erlaolafs@ljosid.is
• Guðrún Erla Þorvarðardóttir, íþróttafræðingur – gudrunerla@ljosid.is
• Hanna Björg kjartansdóttir, íþróttafræðingur – hanna@ljosid.is
• Inga Rán Gunnarsdóttir, sjúkraþjálfari – inga@ljosid.is
• Kolbrún Lís Viðarsdóttir, sjúkraþjálfari og sér um sogæðanudd
• Margrét Arna Arnardóttir, íþróttafræðingur og jógakennari Ljóssins – arna@ljosid.is
• Mark Bruun Kristensen, íþróttafræðingur –  mark@ljosid.is
• Rósa Mjöll Ragnarsdóttir, sjúkraþjálfari – rosa@ljosid.is
• Stefán Diego, íþróttafræðingur – stefan@ljosid.is