Auglýsingar í Tímarit Ljóssins

Vilt þú, eða þitt fyrirtæki eða félag, hjálpa okkur að gefa út árlegt tímarit Ljóssins?

Forsíða Ljósablaðsins 2020 – Smelltu á myndina til að fá upplýsingar um auglýsingatækifæri í Ljósablaðinu í ár

Ljósið  er eina endurhæfingarmiðstöðin á Íslandi sem sinnir allri fjölskyldunni þegar einstaklingur greinist með krabbamein, en um 600 einstaklingar koma í hverjum mánuði til að fá endurhæfingu og stuðning. Starfsemi Ljóssins hefur vaxið gífurlega á undanförnum árum og mikil aukning á ungu fólki sem nýtir sér þjónustuna.

Meðal nýjunga sem við höfum innleitt  undanfarið ár er aukin þjónusta við einstaklinga sem búa á landsbyggðinni í gegnum fjarfundarbúnað og samvinnu við aðila í heimabyggð, auk þess að lagður var grunnur að rannsóknardeild Ljóssins með samstarfi við tæknifyrirtækið Sidekick Health.

Þjónustan í Ljósinu snýst um líkamlega, andlega og félagslega endurhæfingu en þar starfar teymi sérfræðinga sem telur meðal annars iðjuþjálfa, sjúkraþjálfara, sálfræðing, næringarfræðing, markþjálfa, íþrótta- og heilsufræðinga, heilsunuddara og listmeðferðarfræðing. Sjúkdómurinn hefur áhrif á alla í fjölskyldunni og því geta aðstandendur líka fengið stuðning.

Húsnæði Ljóssins er heimilislegt og notalegt, og þar má finna starfsemi alla virka daga en jafnframt á kvöldin þegar þörf krefur. Nýr og glæsilegur tækjasalur gerir nú enn meiri líkamlega endurhæfingu mögulega.

 

Ljósablaðið 2022 – Fjölbreytt miðlunarform
Til að ná hvað víðast um landið og til mismunandi aldurshópa mun tímaritið okkar í ár verða rafrænt. Líkt og í fyrra mun blaðið birtast sem vefsíða þar sem greinargott efnisyfirlit færir lesendur í áhugavert efni sem verður í margvíslegu formi. Þar munu verða hljóðvörp, hefðbundnari skrifuð viðtöl og myndvörp en með þessu móti teljum við alla auglýsendur geta fundið leið sem þeim hentar til að koma sinni vöru eða þjónustu á framfæri. Með þessu móti getum við einnig komið efni fyrir á öðrum miðlum, líkt og hljóðvörp á hljóðvarpsveitum, og fengið fólk þaðan inn í blaðið.

Dreifing
Dreifing tímaritsins verður með þarfir ólíkra hópa í huga. Blaðið verður sent rafrænt á þúsunda Ljósavina, gert aðgengilegt með QR-kóða í heilsíðuauglýsingum í fjölmiðlum og í umhverfi borgarinnar, auk þess að vera dreift með herferð á samfélagsmiðlum.

Tækifæri
Við höldum áfram að bjóða velgjörðarfólki, -fyrirtækjum og félögum upp á mismunandi kynningarleiðir:

  • Vefborðar, líkt og má finna í fjölmiðlum á borð við Vísi og mbl.is, verður að finna í greinum og myndaþáttum. Vefborðarnir verða ofarlega í hverri færslu og munu fela í sér hlekk yfir á lendingarsíðu að eigin vali. Vefborðunum skal skilað í eftirfarandi pixlastærðum fyrir mismunandi breidd vafra: 1920 x 1080.
  • Merki eða lógó fyrirtækis mun birtast í hverri færslu í svokölluðum merkja-klasa. Bak við hvert merki er hlekkur svo forvitnir lesendur geti fundið út hvar megi nálgast vöru eða þjónustu.
  • Kveðjur verða í boði og mun rafræn útgáfa blaðsins leyfa smell á lendingarsíðu að eigin vali.
  • Hljóðauglýsingar verða í boði fyrir örfá fyrirtæki. Frekari upplýsingar um þann möguleika má nálgast í gegnum netfangið auglysing@ljosid.is

Upplýsingar um verð má fá með því að hafa samband við Ljósið hér

Athugið að ekki bætist vsk. við auglýsingaverð.

Ljósið er sjálfseignarstofnun sem nýtur engra styrkja úr söfnunum Krabbameinsfélagsins og er starfsemin að miklu leyti rekin á frjálsum framlögum.

Það er von okkar að þú og fyrirtæki þitt sjái sér fært að styðja við útgáfu blaðsins og þannig hjálpa okkur við að kynna starfsemi Ljóssins.

Frekari upplýsingar má finna á auglysing@ljosid.is