Útivist – krefjandi ganga með Ljósinu

Göngur útivistarhópsins eru skipulagðar gönguferðir í nágrenni höfuðborgarsvæðisins alla miðvikudaga.

Farið verður frá Ljósinu kl. 12:30 en einnig verður hægt að mæta beint á það bílastæði sem gefið er upp fyrir viðkomandi göngu, rétt fyrir kl. 13:00. Yfir vetrartímann eru allar göngur með fyrirvara um breytingu vegna veðurs en dagskrá gönguhópsins má skoða hér neðar.

Einnig er hægt er að fylgjast með dagskránni á Facebook hópnum Útivistarhópur Ljóssins. 

Æskilegt er að þátttakendur geti gengið rösklega í u.þ.b 90 mínútur.

Umsjón með hópnum hefur Margrét Indriðadóttir, sjúkraþjálfari.

 

Miðvikudagurinn 28. febrúar 2018

Svínahraun og Urriðakotshraun

Tökum góðan hring inn með Heiðmerkurvegi og göngum umhverfis Svínahraun. Hittumst í Ljósinu kl. 12.30 og sameinumst í bíla eða kl. 13.00 á ,,bílastæðinu okkar“ við litla útsýnishúsið við Vífilstaðavatn. Klæðum okkur eftir veðri og fáum okkur svo kaffisopa eftir gönguna.

Hlökkum til að sjá ykkur.

Helstu upplýsingar

Miðvikudagar kl. 12:30 við Ljósið, gengið af stað kl. 13:00

Umsjón: Margrét Indriðadóttir, sjúkraþjálfari