Ljósynjur – Eldri jafningjahópur

Í Ljósinu er starfandi jafningjahópur fyrir konur á aldrinum 56 ára og eldri sem greinst hafa með krabbamein. Hópurinn kallast Ljósynjur og hefur verið starfræktur frá hausti 2014 undir leiðsögn Önnu Siggu iðjuþjálfa.

Reynsla okkar sýnir fram á mikilvægi þess að skapa vettvang fyrir fólk sem hefur gengið í gegnum svipaða lífsreynslu til að koma saman og deila upplifun sinni. Að hitta jafningja, sem hafa innsýn í líðan, hugsanir og þau líkamlegu einkenni sem eru fylgifiskar krabbameins, getur hjálpað til við að takast á við nýjan veruleika.

Markmiðið með hópnum er að er að hitta aðra sem eru í svipaðri stöðu og  gera eitthvað skemmtilegt saman. Einnig að vera stuðningur fyrir hvor aðra, deila reynslu og miðla góðum ráðum, fá fræðslu og ráðgjöf frá fagaðilum og njóta samveru með skemmtilegu fólki.

Hópurinn hittist kl 13:00 á þriðjudögum ýmist í Ljósinu eða úti í bæ.

Vekjum einnig athygli á lokuðum hópi Ljósynja á Facebook þar sem upplýsingar um næstu fundi og fleira skemmtilegt er að finna

Hópurinn verður í umsjá Önnu Siggu iðjuþjálfa.

Ljósynjur ætla að hittast eftirfarandi daga á haustönn 2018.

  • 11. september
  • 9. október
  • 13. nóvember
  • 11. desember

Helstu upplýsingar

Fyrir hverja: Konur 56 ára og eldri sem greinst hafa með krabbamein

Hvenær: Einu sinni í mánuði, þriðjudag kl. 13:00

Hvar:  Í Ljósinu eða úti í bæ

Umsjón: Anna Sigga iðjuþjálfi.