Gullfiskarnir – Ungir jafningjar

Í Ljósinu er starfandi jafningjahópur fyrir fólk á aldrinum 20-45 ára sem greinst hefur með krabbamein. Hópurinn kallast Gullfiskarnir og hefur verið starfræktur frá áramótum 2015. Í vetur starfar hópurinn undir leiðsögn Helgu Jónu iðjuþjálfa og Fjólu sjúkraþjálfara.

Reynsla okkar sýnir fram á mikilvægi þess að skapa vettvang fyrir fólk sem hefur gengið í gegnum svipaða lífsreynslu til að koma saman og deila upplifun sinni. Að hitta jafningja, sem hafa innsýn í líðan, hugsanir og þau líkamlegu einkenni sem eru fylgifiskar krabbameins, getur hjálpað til við að takast á við nýjan veruleika.

Markmið hópsins er að hafa gaman, en á sama tíma að auka úthald og þol í félagslegum aðstæðum, ögra þægindarammanum með nýjum áskorunum, deila reynslu sinni og miðla góðum ráðum, fá ráðgjöf og fræðslu fagaðila auk þess að kynnast skemmtilegu fólki.

Vekjum einnig athygli á lokuðum hópi Gullfiskana á Facebook þar sem upplýsingar um næstu fundi og fleira skemmtilegt er að finna.

Gullfiskarnir ætla að hittast eftirfarandi daga.

  • 19. september 2017
  • 24. október 2017
  • 21. nóvember 2017
  • 19. desember 2017
  • 23. janúar 2018
  • 20. febrúar 2018
  • 20. mars 2018
  • 17. apríl 2018
  • 22. maí 2018
  • 19. júní 2018

Helstu upplýsingar

Fyrir hverja: Konur og karla, 20-45 ára, sem greinst hafa með krabbamein

Umsjón: Helga Jóna iðjuþjálfi og Haukur, sjúkraþjálfari